قزاقستان جمهور باشلیغینینگ افغانستان بۉییچه مخصوص وکیلی ایرکین توقوماف، بو مملکت طالباننی رسمیتگه تَن آلیشگه تیار اېمس دېب بیلدیردی.
توقوماف گه اساسلنیب نشر اېتیلگن خبرلرگه کۉره، قزاقستانلیک بو دیپلومات، مملکتی طالباننی رسمیتگه تَن آلیش اوچون بیرلشگن ملتلر تشکیلاتی خوفسیزلیک کېنگشی قرارلریگه اساس حرکت قیلیشینی هم بیلدیردی.
شو بیلن بیرگه، قزاقستان وکیلی طالباننی قانونی اقتصادی جریانلرگه قۉشیش، مخدره مادهلر قاچاق اېتیلیشی آلدینی آلیش اوچون اساسی یۉل دېب بیلدیرگن.
شونینگدېک، قزاقستان وکیلی افغانستان اقتصادی و اجتماعی کۉرینیشده مرکّب بیر وضعیتده اېکنینی بیلدیردی.
بو شوندهی بیرحالده دیر که قزاقستان حکومتی طالبان بیلن مناسبتلرینی یخشیلنتیریش و اقتصادی همکارلیکلرینی آشیریشده حرکت قیلماقده دیر.
اوشبو اینتیلیشلر دوامیده، قزاقستان باش وزیرینینگ اۉرینباسری و اقتصاد وزیری سیریک ژومانگارین بیر هیات باشچیلیگیده کابل کېلیب، طالبان رسمیلری بیلن اوچرهشوو اۉتکزدی.
شونینگدېک، اوشبو هیاتنینگ تشریفی دوامیده، افغانستان و قزاقستان تدبیرکارلری اۉرتهسیده ۲۵ ته همکارلیک شرطنامهسی امضالنگن.
