بدخشانلیک فعاللردن مسعود تېمورگه یقین منبعلرنینگ اۉزبېک تیوی گه تصدیقلهشیچه، بو کیشی طالبان استخبارات ادارهسی تامانیدن حبسگه آلینگن.
منبعلرنینگ اۉزبېک تیوی بیلن شریک قیلگن معلوماتیده ایتیشیچه، مسعود تېمور اوچ کون آلدین توتقینگه آلینگن.
ایتیلیشیچه، طالباننینگ استخبارات خادملری کرولا روسوملی موترگه کېلیب، بدخشان ولایتیدن بۉلگن بو فعالنی حبسگه آلگن.
حاضرگچه بدخشانلیک بو فعال تقدیری بېللی اېمس. منبعلرنینگ ایتیشیچه، طالبان استخباراتی حاضرگچه تېمورنینگ عایلهسیگه هم اونینگ کۉریش اوچون رخصت بېرمهگن.
منبعلر، مسعود تېمور اۉزبېک مدنیتی اوچون بۉلگن فعالیتی و فیسبوکده یازیب تورگن پُستلری سبب حبسگه آلینگن اېدی.
ایتیش کېرهک که مسعود تېمور و شونگه اۉخشش بدخشانلیک باشقه اۉزبېک فعاللر طالبان باسیملری بیلن دوچ بۉلیب کېلگن.
