بیرلشگن ملتلر تشکیلاتی خوفسیزلیک کېنگشینینگ تحریملر کمیتهسی، طالبان بېش ییریک اعضاسیگه قرشی جاری اېتیلگن تحریملرنی ینهده ینگیلشتیریب، بو اعضالر کېملیگی حقیدهگی معلوماتلرنی ترقهتگن.
اوشبو معلوماتلر، طالباننینگ ایچکی ایشلر وزیری سراجالدین حقانی، استخبارات باشلیغی عبدالحق وثیق، حج و اوقاف وزیری نورالدین ثاقب، کانلر و پترولیم وزیری هدایتالله بدری و هرات بلدیه باشلیغی حمدالله نعمانینی اۉز ایچیده آلهدی.
دېیرلی بو شخصلر، بیرلشگن ملتلر تشکیلاتینینگ ۱۹۸۸ – رقملی قطعنامهسی اساسیده، همان تحریملر آستیده دیر.
طالباننینگ سۉزلاوچیسی ذبیح الله مجاهد بو خصوصده مناسبت بیلدیریب، هیچ بیر شخصنینگ حقوقی تحریملر باعث بوزیلمسلیگینی سۉرهگن.
مجاهد، طالبان نظارتیدهگی افغانستان ملی رادیو و تلویزیونی بیلن بۉلگن صحبتده، بو قرارنی اوروش دوریدهگی نتیجهسیز و ناکام حرکت دېب قوشیمچه قیلگن.
ایتیش کېرهک که طالبان اعضالریگه نسبتن بیرلشگن ملتلر تشکیلاتینینگ تحریملری، بو آدملرنینگ سفر قیلیشیگه چیکلاو یرهتیلیشی، بایلیکلری موزلهتیلیشی و قورالگه قۉل تاپیشلری چیکلنیشیدن عبارت دیر.
