«افغانستان بیرلشگن جبههسی» اۉزینینگ اوچینچی هجومیده طالبلرنینگ ایکّی اعضاسینی بدخشان اېمس، بادغیس ولایتیده اۉلدیرگنینی دعوا قیلدی.
جبهه بوگون (یکشنبه، 11 اسد) ایکس اجتماعي ترماغیده اعلان قیلگن بیاناتیده، نشانگه آلینگن اوشبو طالبلر اعضالری سابق حربي خدمتچیلرنی قییناققه سالیشده اشتراک اېتگنینی تأکیدلهدی.
جبهه مذکور دعوا قیلینگن هجوم نینگ وقتی و جایی حقیده قۉشیمچه تفصیلاتلرنی آشکار قیلمهدی.
اوشبو جبهه کېچه طالبلرگه قرشی حربي عملیاتلرینی باشلهگنینی معلوم قیلگن اېدی.
«افغانستان بیرلشگن جبههسی» ایکس اعلان قیلگن صورتلرده قندهار ولایتیدهگی قندهار-سپین بولدک قتناو یۉلیده و هلمند ولایتی مرکزی لشکرگاه شهری نینگ لشکری بازار حدودیده ایکّیته هجوم عملگه آشیریلگنینی دعوا قیلگن.
بیراق، بو ایکّی حادثه یوزهسیدن هم انیق تفصیلاتلر تقدیم اېتیلمهگن.
شو بیلن بیرگه «افغانستان بیرلشگن جبههسی» رهبری سمیع سادات بوگون اېرتهلب اعلان قیلگن ویدېوده جبهه طالبلرگه قرشی حربي عملیاتلرنی باشلهگنینی و 2004-ییلدهگی لویه جیرگه تامانیدن قبول قیلینگن اساسی قانوننی حکمرانلیگینی قَیته تیکلش اوچون کورهشهیاتگنینی بیلدیردی.
