«افغانستان بیرلشگن جبهه»سی اۉز کوچلری تامانیدن قندهاردهگی طالبلرنینگ ولایت امنیه قوماندانلیگیگه اویوشتیریلگن هجومده اوشبو گروه نینگ ایکّی اعضاسی اۉلدیریلگنینی معلوم قیلدی.
جبهه اعلان قیلگن بیاناتگه کۉره، هجوم تیناوون یکشنبه (11 اسد) کونی ساعت تخمیناً۸:۳۰ ده عملگه آشیریلگن.
بیاناتده ایتیلیشیچه، طالبلر اعضالری قندهاردهگی امنیه قوماندانلیگینینگ کیریش دروازهسی آلدیده نشانگه آلینگن و هلاک بۉلگن.
«افغانستان بیرلشگن جبهه»سی اوشبو هجوم تفصیلاتلری همده اۉز کوچلری آرهسیدهگی احتمالي تلفاتلر حقیده قۉشیمچه معلومات بېرمهگن.
قندهاردهگی طالبلرنینگ محلي مسووللری هم حاضرچه مذکور هجوم یوزهسیدن ایضاح بېرمهگن.
«افغانستان بیرلشگن جبهه»سی طالبانگه قرشی فعالیت یوریتهیاتگن قرشیلیک گروهلریدن بیری بۉلیب، یقینده اوشبو گروهگه قرشی حربي هجوملرینی باشلهگنینی اعلان قیلگن.
