انسان حقلرینی کۉزهتووچی تشکیلاتی بوگون بیر حسابات ترقهتیب، افغانستاننینگ انسان حقلری وضعیتی خصوصیده، تفصیلات بېردی.
اوشبو حساباتده، طالبان حاکمیتیده بۉلگن افغانستانده انسان حقلری کېنگ بوزیلیشی، عیاللرنینگ دستلبکی حقلریدن محروم اېتیلیشی، سابق حکومت حربیلری اۉلدیریلیشی و یېتکیرمهلر نسبتن قۉییلگن چېکلاولر کېلتیریلگن.
حساباتده قید اېتیلیشیچه، طالبان عیاللرگه نسبتن چیکلاولری و باسیملری جملهدن قیزلر اۉقیشدن محروم اېتتیریلیشی دوام بېریب، جنسیتگه اساس زورآورلیکلرگه قۉل اۉرگن.
شونینگدېک، بو حساباتده طالبان عمومی کېچیریم اعلان قیلیشیگه قرهمهی سابق حکومت حربیلریدن قصاص آلیشنی دوام اېتتیرگنی و بو اېسه عمومی کېچیریم قرارینی اعتبارسیز قیلگنی معلوم قیلینگن.
شو بیلن بیرگه، انسان حقلرینی کۉزهتووچی تشکیلاتی طالبان کېنگ کۉلمده یېتکیرمهلر و ژورنالیستلر برابریده چېکلاولر یرهتگنینی هم بیلدیرگن.
اوشبو تشکیلات حساباتیده، حاضر افغانستان دنیادهگی اېنگ آغیر انسانی وضعیتنی باشدن کېچیریب تورگنی هم معلوم قیلینگن.
دېمک اوشبو حسابات، طالباننینگ افغانستان حاکمیتینی قۉلگه آلگنی بېشینچی ییللیگی عرفهسیده نشر اېتیلماقده دیر.
طالبان بو ییللر داومیده، خلقارا تنقیدلرگه قرهمسدن اۉزلرینینگ آغیر چېکلاولری و باسیملری دوام اېتتیریب و حتا که کۉپهیتیریب کېلگن.
