تخارلیک اۉزبېک شاعر و اۉقیتووچی مژده اۉزبېک طالبان تامانیدن قماققه تارتیلیب، تقدیری ناانیق‌لیگیچه قالر اېکن، کۉپینچه اۉزبېکستانلیک ژورنالیستلر، فعاللر و ضیالی‌لردن عبارت یوزدن آرتیق فعاللر بیر آچیق مکتوبنی امضالب، بو شاعر تېزلیک بیلن آزاد اېتلیشینی سۉره‌گن.
مژده اۉزبېک اوچون بۉلگن بو آچیق مکتوب بیرینچی بۉلیب حاضرده سویدن‌ده یشه‌ب کېله‌یاتگن اۉزبېکستانلیک شاعر و ژورنالیست یوسف رسول تشبثی بیلن تیّارلنگن.
اۉزبېکستانلیک بو شاعر و ژورنالیست بی‌بی‌سی بیلن بۉلگن صحبتیده اوشبو آچیق مکتوب بیر قنچه تشکیلاتلر جمله‌دن تاشکېنتده‌گی طالبان اېلچیخانه‌سی بیلن شریک اېتیلگنینی هم معلوم قیله‌دی.
جناب رسول شونینگدېک، تخارلیک بو شاعر، اۉزبېک، شاعر و عیال بۉلگنی اوچون تېزلیک بیلن آزاد اېتیلیشی ضرورلیگینی تاکیدله‌یدی.
اوشبو آچیق مکتوب، اۉزبېکستان و تاجیکستان‌دن بۉلگن اۉنلب فعاللر و ضیالی‌لر امضا قیلیب، اولر مژده اۉزبېک تېزلیک بیلن آزاد اېتیلیشینی طلب قیلگنلر.
ایتیش کېره‌ک که مژده اۉزبېک طالبان تامانیدن حبسگه آلینگی اوچ هفته بۉلگن بیراق حاضرگچه اونینگ تقدیری حقیده طالبان هیچ قنده‌ی ایضاح بېرمه‌گن.
