خلقارا ساغلیق‌نی سقلش تشکیلاتی‌نینگ ایتیشیچه، دنیا ده هر یېتی کیشی‌دن بیری روحی سلامتلیک بیلن باغلیق معماگه دوچ کیله‌دی.
مذکور تشکیلات اوشبو موضوع‌نی بوگون (۱۰-اکتبر، شنبه)، «خلقارا روحی سلامتلیک کونی» مناسبتی بیلن یازیب، جمعیت بۉیلب روحی سلامتلیک خذمتلری کوچه‌یتیریلیشی و کسللرگه دواملی شکلده یاردم کورسه‌تیلیشی‌نی سۉره‌گن.
خلقارا ساغلیق‌نی سقلش تشکیلاتی‌نینگ اورغولشیچه، روحی سلامتلیک بیلن باغلیق معمالرنی باشدن کیچیرگن کیشیلر، روحی سلامتلیک خذمتلرینی بجریش، عمل‌گه آشیریش و خذمتلر یخشی‌لنشی‌نینگ برچه باسقیچلریده مهم رول اوینه‌شی ممکن.
بو نهاد‌گه کۉره، مذکور کیشیلر، روحی سلامتلیک متخصصلری، سیاستچیلر و تدقیقاتچیلر اۉرته‌سیده‌گی همکارلیک، هر بیر کیشی‌‌نینگ احتیاجلری‌گه ماس خذمتلر کورسه‌تیش‌گه یاردم بیره‌دی.
خلقارا روحی سلامتلیک کونی هر ییلی، روحی سلامتلیک حقیده معلومات کوپه‌یشی همده مراقبتی و حمایتی خذمتلردن فایده‌لنه آلیش اهمیتی‌گه اعتبار قره‌تیلیشی مقصد، ۱۰-اکتبرده نشانلنه‌دی.
