طالبان ایچکی ایشلر وزیرلیگی، تخار ولایتی‌ده شخصی بیر امبولانس ایچیدن ۶۱۴ کیلوگرام تریاک انیقله‌نیب و قید اېتیلگنی‌نی معلوم قیلگن.
اوشبو وزیرلیک بوگون (۱۸-میزان، شنبه)، بو موضوع‌نی اکس صحیفه‌سیده یازیب و ایتیشیچه، مذکور مخدره ماده بدخشان دن یوکله‌نیب، تخار یولی‌دن نامعلوم جای‌گه انتقال بیریلماقچین اېکن.
طالبان ایچکی ایشلر وزیرلیگی‌‌نینگ کوپه‌یتیریشیچه، اوشبو ماده‌لر تخار امنیه قوماندانلیگی‌نینگ مخدره ماده‌لرگه قرشی کوره‌ش کوچلری آرقه‌لی قید اېتیلگن.
شونینگدېک نیچه کون ایچیده اوشبو ولایت‌ده شخصی بیر امبولانس ایچیدن ۴۲۰ کیلوگرام مخدره ماده، بدخشان ولایتی تشکان اولسواللیگیدن ۳۲۹ کیلوگرام مخدره ماده و میدان وردک ولایتی نرخ اولسواللیگیدن ۲۳۰ کیلوگرام مخدره ماده انیقلنیب قید اېتیلگنی بیان بۉلگن.
ایتیش کېره‌ک که، طالبان آرقه‌لی مخدره ماده‌نینگ ایکیلیشی و قاچاقی تقیقلنگنی بیرحالده، قریب بیر آی ایچیده بو مقدار مخدره ماده کشف و ضبط بولیشی، اوشبو مملکت‌ده حاضرگچه مخدره ماده بارلیگی‌نی کورسته‌دی.
