طالبان‌نینگ عدلیه وزیرلیگی بوگون شنبه، ۱۸ – میزان بیر بیانات ترقه‌تیب، بلخ ولایتی مرکزی مزارشریف شهریده ۲۵۰ جریب یېر دولتی دېب انیق‌لنگنینی ادعا قیلدی.
اوشبو بیاناتگه کۉره، طالبان‌نینگ باسیب آلینگن یېرلرنی قیتریش کمیسیونی قراری اساسیده اوشبو یېرلر دولتی دېب تاپیلگن و بو یېرلر اېگه‌لری یېرلرینی مذکور کمیسیونگه تاپشیریشی لازم دیر.
ایتیلیشیچه بو یېرلر، مزارشریف شهری‌نینگ سکّیزینچی ناحیه‌سیگه قره‌شلی «حاجی عبدالباقی و حاجی اسماعیل فارمی»گه تېگیشلی اېکن که بوتونله‌ی دولتی دېب تاپیلگن.
طالبان بوندن آلدین هم افغانستان تورلی حدودلری اینیقسه مزارشریف شهریده کۉپلب یېرلرنی دولتی دېب اعلام قیلگن اېدی.
طالبان‌نینگ بو یېرلر خصوصیده آلگن قرارلری کۉپلب حالتلرده قومی یانده‌شوولر بیلن هم بیرگه بۉلیب، جنجللر و ناراضیلیکلرنی کېلتیریب چیقرگن.
