افغانستان سابق جمهور باشلیغی حامدکرزی، خلق‌ارا قیزلر کونی مناسبتی بیلن قیزلرنینگ استعدادلری و اولرگه اوقوو امکانیتلر یره‌تیلیشی‌گه تاکید قیلگن.
کرزی‌نینگ ایتیشیچه، افغانستان رواجلنیش و ترقیات گه یېتیشیش اوچون هر نرسه‌دن آلدین قیزلر‌نی قۉللب-قوتلش گه اعتبار قره‌تیشی کېره‌ک. اونگه کۉره، بو مقصد قیزلرنینگ برچه تعلیم امکانیتلریدن فایده‌لنیب، عالی اوقوونی دوام اېتیریش همده خلق و مملکتلریگه خذمت قیلیش امکانیتیگه اېگه بۉلگن تقدیرده عمل‌گه آشه‌دی.
او، قیزلرنینگ بیلیم، تخصص و کونیکلری بیلن مملکت ترقیاتی‌گه حصه قوشیشلری اوچون مکتب و بیلیم یورتلر ایشیکلری‌نینگ امکان قدر تیزراق اولر یۉزیگه آچیلیشی‌گه امید بیلدیرگن.
افغانستان سابق جمهور باشلیغی، شونینگدېک جمعیت‌نینگ قیزلر برابریده کته مسئولیت‌گه اېگه بۉلگنی‌گه تاکید‌لب، اولرنی اوغیل باله‌لر بیلن بیرگه تینگ روش‌ده قوللب-قوتلش و امکانیتلری‌نی کینگه‌یتیریش‌گه بی‌فرق بولمسلیک کیره‌کلیگی‌نی ایتگن.
ایتیش کېره‌ک که، آلتینچی صنف‌دن یوقاری قیزلر یوزی‌گه مکتبلر ایشیگی یاپیلگنی‌دن ۱۸۴۶ کون اوتماقده؛ لیکن طالبان حاضرگچه بو توغریده هیچ بیر نرسه دېمه‌ی و قیزلرنینگ تقدیرسیزلیک حالتی بیلن روپه‌ره قیلگن.
