پاکستان اخبارات وزیری عطاءالله ترار، افغانستان ده ۲۰ مینگ‌دن آرتیق ترورچی بارلیگی‌نی ادعا قیلدی.
ترار اوشبو موضوع‌نی بوگون (۲۰-میزان، دوشنبه)، اکس صحیفه‌سیده یازیب و ایتیشیچه، حاضر اېسه افغانستان ده ۲۰ مینگ‌دن آرتیق ترورچی جمله‌دن پاکستان طالبلر تحریکی‌‌نینگ (تی‌تی‌پی) ۶ مینگ اعضاسی بار. «افغانستان ده ۲۰ مینگ‌دن آرتیق ترورچی بار. شونینگدېک ۶ مینگ‌دن آرتیق تی‌تی‌پی اعضاسی او یېرده جایلشگن.»
پاکستان اخبارات وزیری، طالبان‌نی عیب‌لش بیلن ادعا قیلیشیچه، مذکور کیشیلر تینچ یېرلرده جایله‌شیب و افغانستان توپراغی‌ده حربی تعلیم کورماقده.
اونینگ اورغولشیچه، مملکتی افغانستان ده ترورچی و جنگری گروهلرنینگ یوق قیلیش طرفداری دیر.
عطاءالله ترار، خیبرپختواده ایجابی اۉزگریشلرنی آلقیشله‌یمیز دېب، چیگره حدودلری و خیبرپختونخوا ایالتی‌ده بار کوچ بیلن ترورچیلیککه قرشی عملیاتلرنینگ دوام قیلیشی‌نی معلوم قیلگن.
شونینگدېک او، مملکتی‌نینگ تینچ بیر مسکن‌گه اَیلنتیریشلرینی بیان قیلیب و ایتیشیچه، مذکور ایالت یشاوچیلری ترورچیلیک و جنگری گروهلرنینگ اۉرته‌دن کیتگزماقچین.
طالبان قدرت گه ایریشگنی‌دن بویان پاکستان‌نینگ سیاسی و حربی رسمی‌لری نیچه مرته پاکستان طالبلر تحریکی اعضاسی‌نینگ افغانستان توپراغی‌ده بارلیگی و افغانستان توپراغی‌دن مملکتلری‌گه قرشی فایده‌لنیشی‌نی ادعا قیلگن؛ لېکن طالبان بو ادعالرنی دایم رد قیلگن.
