طالبان نظارتی آستیده‌گی افغانستان تېمیر-یۉلی اداره‌سی عمومی باشلیغی عبدالکریم فاتح، اقتصادی همکارلیکلر تشکیلاتی‌نینگ منطقهای ییغینی (اکو)، گه اشتراک قیلیش اوچون بیر هیات باشچیلیگیده قزاقستان کېتدی.
افغانستان تېمیر-یۉلی اداره‌سی‌نینگ ایتیشیچه، فاتح اوشبو ییغین‌ده افغانستان تېمیر-یۉلی‌نینگ حاضرگی وضعیتی، عمل‌گه آشیریله یاتگن لایحه‌لر و بو اداره‌نینگ کیله‌سی دستورلری حقیده صحبت قیلیشی ممکن.
مذکور اداره، شونینگدېک عبدالکریم فاتح‌نینگ اکو تشکیلاتی‌گه اعضا مملکتلر وکیللری بیلن منطقهای باغله‌نیش مستحکم‌لنیشی، تجارت و ترانزیت کوچه‌یشی همده اقتصادی همکارلیکلر توغریسیده گپله‌شیشی‌نی معلوم قیلگن.
افغانستان تېمیر-یۉلی اداره‌سی، اوشبو ییغیلیش‌گه اشتراک ایتیش افغانستان و اکوگه اعضا مملکتلر اۉرته‌سیده تېمیر-یۉلی ساحه‌سیده اۉزارا همکارلیک‌نی کینگه‌یتیریش، سرمایه یاتقیزیلیش‌نی جلب قیلیش و منطقهای اۉزارا باغلیک‌نی مستحکم‌لش اوچون امکانیت یره‌تیشی‌گه امید بیلدیرگن.
