قندوز ولایتی دشت‌آبدان منطقه‌سیده یوز بېرگن یۉل حادثه‌سیده، بیش کیشی اۉلیب و اوچ کیشی یره‌لنگن.
قندوزده طالبان مسئوللری‌‌نینگ ایتیشیچه، مذکور حادثه اۉتگن جمعه کونی، امام‌صاحب تومنی عمومی قتناو یۉلیده، «فورنر» رسوملی موترنینگ «کرولا» رسوملی بیر موتر بیلن توقنشووی عاقبتیده یوز بېرگن.
اوشبو یۉل حادثه‌سی سببی هیداوچیلرنینگ احتیاط‌سیزلیگی دیېلگن.
ایتیش کېره‌ک که، افغانستان ده یۉل حادثه‌سی هر ییلی کۉپینچه کیشی‌نینگ اۉلیب و یره‌لنیشی‌گه سبب بۉلیب و اولردن قطاری هیداوچیلرنینگ احتیاط‌سیزلیگی، ترافیکی قاعده-قانون نظرگه آلینمسلیگی و قتناو یۉللر بوزیقلیگی طفیلی یوز بېره‌دی.
