بوگونلر دنیانینگ هر بیر چیکّه‌سی اینیقسه افغانستانده یشاوچیسی اۉزبېکلر اوچون بیره‌م کونلری و تورلی حدولرده اهالی و اۉزبېکلر تیللرینی قدرلش و تیل بیره‌مینی نشانلشگه حرکت قیلیب کېلماقده.
حاضرگچه، افغانستانده پایتخت کابل‌دن تشقری بیر ولایتلر، حدودلر و مکتبلرده تیل بیره‌می مناسبتی بیلن شانلی احتفاللر بۉلیب اۉتگن و آنه تیل‌گه بغیشلنگن جشن و تدبیرلر اۉتکزیلیشی همان دوام اېتماقده دیر.
شو بیلن بیرگه، دنیانینگ تورلی مملکتلریده هم اۉزبېک تیلی بیره‌می برپا اېتیلماقده.
اوشبو بیره‌ملر حاضرگچه، هالند، انگلستان‌نینگ لندن و منچستر شهرلری، ایران‌نینگ تهران و کرج شهرلری و امریکانینگ پنسیلوانیا ایالتیده اۉتکزیلگن.
شونینگدېک، کېله‌ی کونلرده هم ییریک و طنطنه‌لی بیره‌ملر اۉتکزیلیشی مقصدیده رېجه‌لر توزیلگن و بیز کېله‌سی کونلرده تورلی حدودلرده شانلی تیل بیره‌می گواهی بۉله‌میز.
تاکیدلش جایز که ۲۹نچی میزان، افغانستانده اۉزبېک تیلی ملی کونی اوله‌راق ییللر دیر که نشانلنیب کېلماقده. بو بیره‌م هر ییلی اوتیشی بیلن خلق تامانیدن کینگ‌راق و ایلیق کوتیب آلینماقده.
