اۉزبېک تیلی کونی ملی مناسبتی بیلن بۉلگن طنطنه‌لی احتفاللر افغانستان تورلی ولایتلری و دنیا بیر قنچه مملکتلریده اویوشتیریلیشی بیلن بیر وقتده هنوز بیر قنچه مملکتلر و ولایتلرده تیل بیره‌می اوچون کینگ تیّارگرلیکلر کۉریلماقده دیر.
افغانستان ایچیدن منبعلرنینگ ایتیشیچه، بیر قنچه ولایتلر و حدودلرده شکوهلی احتفاللر اۉتکزیلیب، بیره‌م قیلیشی اوچون تیّارگرلیکلر قۉلگه آلینگن.
اوشبو تیّارگرلیکلر اساسیده، کۉپلب حدودلر اینیقسه، اندخوی، آقچه، سرپل شهری، سنچارک، بدخشان و شونگه اوخشش مملکت باشقه بیر قنچه حدودلری شکوهلی احتفاللر و تیل بیره‌میگه بغیشلنگن تدبیرلر گواهی بۉله‌دی.
شونینگدېک، دنیا باشقه بیر قنچه مملکتلری جمله‌دن سویس، آلمان و تورکیه هم تیّارگرلیکلر آلینماقده دیر.
دېیرلی، اۉزبېک تیلی ملی کونی هر ییل اوتیشی بیلن خلقی‌میز تامانیدن قیزغین‌راق و ایلیق‌راق کوتیب آلینماقده و بو اېسه خلق‌نینگ اۉز تیلی و مدنی میراثیگه بۉلگن چوقور اعتباریدن کېلیب چیققن.
