اۉزبېک تیلی افغانستان‌نینگ مدنی و تیل میراثی بیر قسمی دیر. اونی اسره‌ب قالیش و رواجلنتیریش اوچون کونده‌لیک صحبتلر یانیده بیر قطار کتابلر، سۉزلوکلر و اوقوو منبع‌لری هم ضرور.
شونده‌ی بیرحالده، افغانستان ده اۉزبېک تیلیده‌گی کتابلردن فایده‌لنیش امکانیتی چیکله‌نیب، اَیریم منطقه‌لرده بو تیل‌نی اورگه‌نیش و مطالعه قیلیش اوچون منبع‌لر جوده‌یم کم. اۉزبېک تیلینی اورگه‌نیش، تیل مهارتلرینی مستحکم‌لش و فرزندلری‌نی بو تیل‌ده اوقیش و یازیش بیلن تانیشتیریش‌نی اېسته‌گنلر، کتابلر و اوقوو منبع‌لری کم‌لیگی بیلن روپه‌ره‌لر.
کتاب و سۉزلوک، یالغیز تعلیم اوسکونه‌سی اېمس؛ اولر سۉزلرنی سقلش، ادبیات‌نی انتقال بیریش و یاشلرنینگ آنه تیلینی کوپراق تانیشیده مهم اۉرین‌گه اېگه. هر قنچه بو منبع‌لرگه قۉل تاپیش قیین بۉلسه، اوشنچه اورگه‌نیش امکانیتی و تیل رواجلنیشی کمه‌یه‌دی.
انه شوو سبب، اۉزبېکچه‌ده یازیلگن کتابلر کوپه‌یشی، بو تیل‌گه عاید سۉزلوک تیارلنیشی و اوقوو منبع‌لری کوپه‌یشی، بو تیل‌دن حمایت قیلیش و اونینگ باشقه نسللرگه یېتکزیش اوچون فایده‌لی دیر.
