اوکراین جمهور باشلیغی ولودیمیر زلنسکی و بو مملکت‌نینگ شاشلینچ خذمتلر رسمی‌لری، دوشنبه کونی روسیه آرقه‌لی اوکراین جنوب‌شرقی‌ده زاپوریژیا منطقه‌سیده جایلشگن بیر مکتب‌نینگ بمباردمان بۉلگنی‌نی معلوم قیلگن.
انسان‌سیورلیک یاردملر ترقه‌تیلیش جایی صفتیده فایده‌لنه‌دیگن مذکور مکتب‌گه هجوم اۉیوشتیریلگنی عاقبتیده، قریب ۲۶ کیشی جان بېرگن.
اوکراین‌نینگ شاشلینچ خذمتلری‌گه کۉره، یاردم بیرووچی و قوتقرووچی گروه اعضالریدن ایکّی ته‌سی و تورت پولیس قربانلر آره‌سیده بۉلیب، یاردم بیرووچی ایکّی کیشی شامل باشقه ۵ کیشی دوالنیش آستیده قرار تاپگن.
زلنسکی کیچه تامان ترقه‌تگن ویدیو فایلی‌ده، روسیه کوچلری آرقه‌لی مذکور مکتب‌نینگ بمباردمان بۉلگنی‌نی بیان قیلگن. او، بو مکتب‌نینگ درس اوچون اېمس، بلکیم انسان‌سیورلیک یاردملر ترقه‌تیلیشی مقصد فایده‌لنیشینی ایتگن.
اوکراین جمهور باشلیغی‌گه کۉره: «روسیه کوچلری بیرینچی هجوم‌نی، اهالی او یېرگه ییغیلیشی پیت عمل‌گه آشیرگن و کیېن اېسه ایکینچی هجوم عمل‌گه آشیریلگن. مذکور بمباردمانلر کوپراق باش‌پنه‌لرنی نشان‌گه آلگن. بو ترورچیلیک بیر هجوم دیر.»
او، روسیه کوچلری مذکور محل‌ده قالگن کیشیلرنینگ هر هفته انسان‌سیورلیک یاردملرنی قۉلگه کیلتیریش مقصد او یېرگه ییغیلیشلریدن خبرسیز اېمسلیگی‌نی بیان قیلگن.
