طالبان نظارتی آستیده ساغلیق‌نی سقلش وزیرلیگی‌نینگ طبی خذمتلر کۉرسه‌تووچی معینی عبدالولی حقانی، خلق‌ارا قیزیل خاچ کمیته‌سی وکیللری بیلن اوچره‌شگن.
طالبان نظارتی آستیده ساغلیق‌نی سقلش وزیرلیگی بوگون اکس صحیفه‌سیده بیر بیانات آرقه‌لی یازیشیچه، اوشبو اوچره‌شووده بو وزیرلیک‌نینگ مرکزی باشلیغلریدن قطاری، خلق‌ارا قیزیل خاچ کمیته‌سی‌نینگ مرکزی اداره‌سیدن گیراد شمیت و افغانستان بۉییچه اوشبو کمیته باشلیغی پاتریک مویهو شرکت قیلگن.
بیانات گه کۉره، مذکور اوچره‌شووده خلق‌ارا قیزیل خاچ کمیته‌سی ناگرانلیگی بۉلگن کیشیلرنی سلامتلشتیریش لایحه‌سی‌نینگ بیش ییل‌لیک ستراتیژیسینی ساغلیق‌نی سقلش وزیرلیگی‌گه تقدیم قیلگن.
شونده‌ی بیرحالده، عبدالولی حقانی خلق‌ارا قیزیل خاچ کمیته‌سی همکارلیگی‌دن قدردانلیک بېلدیریب و ایتیشیچه: «ساغلیق بۉلیمی‌ده‌گی فعالیتلردن برچه‌سی ساغلیق‌نی سقلش وزیرلیگی هماهنگ‌لیگی بیلن عمل‌گه آشیریلیب و بو وزیرلیک‌نینگ عمومی قاعده-قانونی بیلن ماس بولیشی کېره‌ک.»
شونینگدېک او، مرکزی کسل‌خانه‌لرنینگ شاشلینچ طبی یاردم بۉلیملری همده ناگرانلیگی بۉلگن کیشیلرنی جسمانی تیکلش کسل‌خانه‌سینی جهازلش و قۉللب-قوتلش مسئله‌سی‌گه اشاره قیلیب و اورغولشیچه، ساغلیق‌نی سقلش ساحه‌سیده‌گی برچه فعالیتلر تیگیشلی تخنیک بۉلیملر بیلن موافقلشتیریلگن حالده، ساغلیق‌نی سقلش وزیرلیگی رهبرلیگی‌ده عمل‌گه آشیریلیشی کېره‌ک.
