بدخشان‌نینگ بهارک تومنی‌ده پیاز سقله‌نیشی اوچون ۱۵ ته ساووقخانه آچیلیب و فایده‌لنیش‌گه تاپشیریلگن.
قریب ۲۵۰ تُن پیاز‌نی سقلش امکانیتی‌گه اېگه بۉلگن مذکور ساووق‌خانه‌لرنینگ آچیلگنی‌دن مقصد، پیاز سقله‌نیشی اوچون مناسب شرایط یره‌تیلیشی، محصول صفتی کمه‌یشی آلدی آلینیشی و مناسب وقت‌ده بازارگه چیقریلیشی تنظیم‌لنیشی دییلگن.
ایتیلیشچه، اوشبو ساووقخانه‌لر بدخشان اېکینچیلیک، سووغاریش و چاروه‌چیلیک ریاستی سعی‌وحرکتلری بیلن قوریلگن.
بهارک تومنی نماینده‌سی، اوسیم‌لیک آفتلری و کسل‌لیکلری طفیلی قیین‌چیلیکلر همده اېکینچیلیک محصوللری سقله‌نیشی اوچون یخشی امکانیت یوقلیگی‌نی، دهقانلر و باغدارلرنینگ اصلی معمالریدن عنوان قیلگن.
تومن نماینده‌سی و محل آق‌سقاللری، مذکور ۱۵ ته ساووق‌خانه‌نینگ قوریلگنی‌دن خورسند‌لیک بېلدیریب، باشقه منطقه‌لرده هم بو کبی لایحه‌لر عمل‌گه آشیریلیشی‌نی سۉره‌گنلر.
