امریکا جمهور باشلیغی دونالد ترامپ، بوگون (۹-نوامبر، دوشنبه)، آق سرایده قطر تشقی ایشلر وزیری و باش‌وزیری شیخ محمد بن عبدالرحمن آل ثانی بیلن اوچره‌شیشی رېجه‌لشتیریلگن.
رویترز آژانسی‌نینگ خبریگه کۉره، اوشبو اوچره‌شووده ایران بیلن اوروشگه تېگیشلی اۉزگریشلر و اونگه چېک قۉییش مقصدیده، دیپلماتیک سعی‌وحرکتلر تۉغریسیده مذاکره بۉلیشی ممکن.
خبر اساسیده، بو اوچره‌شووده قطر واشنگتن و تهران اۉرته‌سیده‌گی واسطه‌چی صفتیده ایران‌نینگ هسته‌ای دستوری و اوروشی‌نینگ یکونلشی شرطلری بۉییچه کیلېشماوچیلیکلرنی برطرف اېتیشگه حرکت قیله یاتگن بیر پیتده بۉلیب اوتماقده.
شونده‌ی بیرحالده، امریکا تشقی ایشلر وزیری مارکو روبیو‌نینگ ایتیشیچه، ایران بیلن مذاکره‌لرده حاضرگچه جوده‌یم آز یخشی نتیجه‌گه اېریشیلگن و یقین کېله‌جکده کېلیشووگه اېریشیش احتمالی آز.
شونینگدېک ترامپ‌نینگ آگاه‌لنتیریشیچه، مذاکره‌لر موفقیتسیز یکونله‌نیب و حربی حرکتلر قیته باشلنگنی صورتده، امریکا هجوم قیلیش اوچون کۉپریکلر کبی ینه بیر قطار مهم آست‌قورمه‌لرنی نشانگه آلگن.
