تورکیه‌گه عملی تشریف دایره‌سیده اۉزبېکستان جمهور باشلیغی شوکت میرضیایف، سعودی عربستان‌نینگ انرژی وزیری شهزاده عبدالعزیز بن سلمان ال سعود باشچیلیگیده‌گی هیئتنی قبول قیلدی.
دریا اوز خبریگه کۉره، اۉزبېکستان جمهور باشلیغی مطبوعات خدمتی نینگ بیللی قیلیشیچه، اونده دولت یېتکچیلری سعودی عربستان بیلن استوار رېجه‌لرنی عمگه آشیریش مساله‌لرینی محاکمه قیلدی. نفت-گاز، نفت-کیمیا، تاغ-کان صناعتی و باشقه استوار یۉنه‌لیشلرده همکارلیکنی ینگین باسقیچگه کۉتریش، انیق عملی تکلیفلرنی ایشلب چیقیشگه علاحیده اعتبار قره‌تیلدی.
شوکت میرضیایف آنتالیاگه (COP31) ییغلیشگه 10-نوامبر کونی تشریف بویورگندی. رفیقه‌سی همراه‌لیگیده کېلگن شوکت میرضیایفنی تورکیه دولتلر تشکیلاتی آقسقاللر کېنگشی باشلیغی بینالی ییلدیم و تورکیه نینگ رسمی شخصلر کوتیب آلگندی.
تشریف دوامیده شوکت میرضیایف یشیل اقلیم فاندی اجراییه مدیری مافالدا دوارته‌نی قبول قیلدی، گرجستان باشلیغی، جهان متالوژی تشکیلاتی باش کاتبی سلیستان سائولو، اروپا تیکلش و ترقیات بانکی باشلیغی رینو-باسو بیلن اوچرشوو اۉتکزدی.
