طالبان باش وزیرلیگی نینگ اقتصادی اۉرین باسری عبدالغنی برادر و تشقی ایشلر وزیری امیرخان متقی، ایران جمهور باشلیغی و بیرگهسیده جان بېرگنلر جنازه مراسمیده قتنهشیش مقصد تهرانگه جونب کېتگن.
طالبان هیاتی یانیده، باشقه بیر قنچه مملکتلر و تشکیلاتلردن هم هیات اوشبو مراسمده قتنهشیش اوچون ایرانگه سفر قیلگن.
دیمک، ایران نینگ سابق جمهور باشلیغی ابراهیم رییسی همده اونینگ تشقی ایشلر وزیری حسین امیرعبدالهیان شامل بیر قنچه یۉلداشنینگ جنازه مراسمی بوکون اېرتهلب، تهران شهریده اوتکزیلگن.
بو مراسم اوتگن کون تبریز شهریده اېدی و ایران حکومتی قراری گه اساس مراسمی قم و مشهد شهرلریده هم اوتکزیلهدی.
شونینگدېک، ایران اسلامی جمهوریتی نینگ حکومتی، تیک اوچری قولهشی عاقبتیده اۉتگن یکشنبه کونی جان بېرگن بو مملکت جمهور باشلیغی جنازهسینی اېرته پنجشنبه کونی، مشهدگه توپراققه تاپشیریشگه قرار قیلگن.
