امریکا قۉشمه ایالتلری نینگ نمایندهلر کېنگشی یاده «کانگرس» بیراز زماندن بیری بو مملکت افغانستاندن قندهی چیققنی خصوصیده جدی تدقیقاتلرنی باشلهگن.
اوشبو تدقیقاتلر دوامیده، امریکا نینگ افغانستاندن چیقیش جریانیگه تېگیشلی امریکالیک مقاملر جوابگرلیککه تارتیلگن.
بو جریان دوامیده، ینگیلیکده امریکا جمهورلیک ریاست سرایی یاده «آقسرای» سابق سۉزلاوچیسی جن ساکی، کانگرس نینگ تشقی علاقهلر کمیتهسی تامانیدن جوابگرلیککه تارتیلگن.
بو کمیته باشلیغی مایکل مککال تامانیدن، جن ساکیگه یوباریلگن مکتوبده خانم ساکی، ماموریتی دورانیده ترقهتگن معلوماتلری قندهیلیگی توغریسیده آچیقلیک بیریشی خواهلهنگن.
ایتیش کېرهک که کانگرس نینگ تشقی علاقهلر کمیتهسی، امریکا جمهور باشلیغی جوبایدننی افغانستاندن چیقیش مسالهسی خصوصیده بیپروالیککه عیبلگن.
