بیرلشکن ملتلر تشکیلاتیده‌گی چین وکیلی فو کونگ، افغانستان‌دن بۉلگن، ترورچیلیک تهدیدلریدن آگاه‌لنتیردی.
چین وکیلی نینگ تاکیدلشیچه، افغانستان‌ده حضوری بۉلگن ترورچی گروه‌لر، منطقه تینچ‌لیگی اوچون جدی خواطر دیر.
فوکونگ بو مساله‌نی، دوشنبه کون ۲۲- دلو، بیرلشکن ملتلر تشکیلاتی خوفسیزلیک کېنگشی نینگ ییغینی‌ده تیلگه آلگن.
چین وکیلی نینگ ایتیشیچه “داعش و باشقه ترورچی گروه‌لر افغانستان‌ده فعال دیر و بیر بیراوی بیلن همکارلیک قیله‌دی. بو گروه‌لر حضوری اېسە منطقه و جهان تینچ‌لیگی اوچون کتته تهدید یره‌تگن.”
چین شوندی بیرحالده بو تۉغریده خواطر بیلدیرماقده دیر که بو مملکت طالبان بیلن یخشی مناسبت‌ده بۉلگن.
اوشبو خواطرلر بۉلگن بیرحالده، چین طالبان‌نی رسمیت‌گه تَن آلمه‌ی، بو حاکمیت بیلن همکارلیکلرینی آشیریب کېلماقدە دیر.
