کابلده قزاقستان ایلچیسی گزیز اکباسوف، طالبان صناعت و سوداگرلیک وزیرلیگی نینگ سرپرستی نورالدین عزیزی بیلن اوچره‌شیب، افغانستان و قزاقستان آره‌سیده‌گی اقتصادی و سوداگرلیک علاقه‌لر آشیشی یۉللرینی محاکمه قیلگن.
طالبان صناعت و سوداگرلیک وزیرلیگی ژورنالیست‌لر اختیاریده قویگن بیاناتیده، بو اوچره‌شوو تیناوون آقشم، دوشنبه، ۲۲ – دلو اۉتکزیلگنینی معلوم قیلگن.
بو وزیرلیک بیاناتیده کېلیشیچه “اوچره‌شووده ایکی تامان افغانستان سوداگرلری اوچون آلماتی شهریده مرکز قوریلیشی، ایکی مملکت سوداگرلری آره‌سیده‌گی کیلیشوولر عملگه آشیریلیشی، افغانستان‌ده قزاق تدبیرکارلر سرمایه یاتقیزیشی و افغانستان‌لیک سوداگرلرگه قزاقستان ایلچیخانه‌سی تامانیدن ویزا ترقه‌تیلیشی خصوصیده قولهیلیکلر یره‌تیلیشی اوستیده بحث قیلدی.”
ایتیش کېره‌ک که اۉرته آسیا کۉپلب مملکتلری جمله‌دن، اۉزبېکستان، قزاقستان و تورکمنستان طالبان حاکمیتی آستیده بۉلگن افغانستان بیلن اقتصادی علاقه‌لرینی آشیریش‌گه اولگورماقده دیر. بیراق بو مملکتلرنی هیچ بیری حاضرگه قدر طالبان‌نی رسمی تَن آلمه‌گن.
