افغانستان انسان حقلری فعاللری بیرلشمهسی، بیر بیانات ترقهتیب، افغانستانده طالبان تامانیدن عملگه آشیریلیب تورگن تورلی خلقلر برابریدهگی قیرغینلرنی جدّی تیکشیریلیشی ضرور دېب بیلدیرگن.
اوشبو بیرلشمه، خلقارا جنایی محکمهسینینگ روهینگیاده مسلمانلرگه قرشی عملگه آشیریلگن قیرغین خصوصیده چیقرگن سونگّی قراریگه مناسبت بیلدیرر اېکن، بو طلبنی ایلگری سورگن.
افغانستان انسان حقلری فعاللری بیرلشمهسینینگ تاکیدلشیچه، افغانستانده هم ایلدیزلری عمومی آدم اۉلدیریش، باستیریش و یېرلی اهالیگه نسبتن یۉق اېتیش سیاستلرینی عملگه آشیریشگه باریب تقیلهدیگن، قیرغین حرکتلری دوام اېتماقده دیر.
انسان حقلری فعاللری شونینگدېک، افغانستاندهگی بو وضعیت، تېزلیک بیلن تولیق و طرفسیز بیرحالده تیکشیریلیشی ضرورلیگینی بیلدیرگن.
اوشبو بیرلشمه بیاناتیده، هزارهلرگه قرشی قیرغین حرکتلری دوام اېتیشی، اولرگه قرشی اۉلیملی هجوملرنی عملگه آشیریش و یېرلرینی تارتیب آلیش کبی حرکتلری بو وضعیتدن گواهلیک بېرهدی دېب معلوم قیلینگن.
شونینگدېک بیاناتده، مجبوری کۉچیریشلر، یېرلرنی باسیب آلیش، محلی جماعهلرده دموگرافیک اوزگرتیریشلرنی اۉرتهگه آلیب کېلیش، ناتانیش شخصلرنی معین حدودلرده جایلشتیریش که بو حالت دوامیده، پاکستان طالبان تحریکی اعضالری یېرلشتیریلیشیدن هم خواطر بیلدیریلگن.
بو شوندی بیرحالده دیرکه طالبان حاکمیتگه قیتگنیدن بیری، تورلی خلقلر جملهدن اۉزبېکلر و هزارهلرگه قرشی تعصبی سیاستلرنی قۉلگه آلیب، اولرگه قرشی قومی سیاستلرینی عملگه آشیریب کېلماقده. بو وضعیت اېسه کېنگ ناراضیلیکلر سبب بۉلگن.



