بوکون : پنج‌شنبه 28 عقرب 1405

Kabul
+10...+17° C

بوکون : پنج‌شنبه 28 عقرب 1405

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

طالبان حاکمیتیده افغانستان‌ عیاللری؛ چېکلاولر و زوره‌وانلیکلر قربانلری

۲۵ نوامبر، عیاللرگه نسبتن زوره‌وانلیککه قرش کۉره‌ش خلق‌ارا کونی یقین‌لشیشی بیلن، طالبان حاکمیتی آستیده‌‌گی افغانستان‌ده خاتین-قیزلر وضعیتی خواطرلر ینه تیلگه آلینماقده دیر.

اوشبو مملکت‌ده‌گی عیاللر تعلیم، ایش و شخصی اېرکینلیکلر تۉغریسیده کېنگ قمراولی چېکلاولر بیلن روپه‌ره بۉلیب، شونینگدېک انسان حقوقلری تشکیلاتلری خبرلری هم عیاللرگه قرشی زوره‌وانلیکلر دوامی، جبری شکلده تورموشگه چیقریلیش و اولرنینگ حقوقلری بۉزیلیشینی بیان قیله‌دی.

مذکور کون عرفه‌سیده، اجتماعی ترماقلردن فایده‌لنووچیلردن قطاری طالبان حاکمیتی آستیده افغانستان‌ده‌گی عیاللر وضعیتی، عدالت‌سیزلیک و اولرگه قرشی زوره‌وانلیکلر کۉپه‌یگنی حقیده خواطر بیلدیرگنلر.

شونده‌ی بیرحالده، تورکیه‌ده بیلیم یورت استادی و سیاسی فعاللردن بیری عالیه ییلماز اۉز فیس‌بوک صحیفه‌سیده صدیقه و مژده اۉزبېک‌نینگ حاضرگچه حبسگه بۉلگنی تۉغریسیده عکس‌العمل بیلدیرگن.

اونینگ یازیشیچه: «اون آلتی یاشر صدیقه، یاشلی بیر پشتون-طالبگه اۉیلنمی‌من دېگنی اوچون ییللر دیر قماقده؛ مژده اۉزبېک‌ شعر یازگنی باعث قماقده؛ اۉزبېک آنه‌لری و قیزلری افغانستان بۉییچه متجاوز طالب‌نینگ انصافی گه ترک قیلینگن.»

افغانستان‌ده‌گی عیاللر حاضرگچه کېنگ کۉلملی باسیملر بیلن روپه‌ره بۉلگن بیرحالده، عیال حقوقی فعاللری و اجتماعی ترماقلردن فایده‌لنووچیلر عیاللرگه قرشی زوره‌وانلیک یکۉنلنیشی، عدالت تامینلنیشی و اولرنینگ اساسی حقلری تضمین‌لنیشینی سۉره‌گنلر.

شریک قیلینگ

Related Posts

Add New Playlist