غزه شهری ۱۵ آیلیک قانلی و دهشت‌لی اوروش‌لردن کیین بیر نیچه هفته‌دن بویان، بیراز تینچ احوالنی باش‌دن کیچیرماقده اېدی. بیراق یقین کونلر ایچیده، اوشبو تینچ‌لیک بوزیلیشی اوچون یامان خبرلر نشر اېتیلماقده دیر.
خلق‌ارا یېتکیرمه‌لرنی گزارش بیریشیچه، آتیش-کېسین کیلیشووی عملگه آشیریلیشی خصوصیده اسراییل و حماس گروهی آره‌سیده ینه‌ده کیلیشماوچیلیکلر یوز بېرگن و اوشبو وضعیت آرتیدن اوروش قیته باشله‌نیشی ممکنلیگی آگاهلنتیریلماقده دیر.
تیناوون سه‌شنبه، ۲۳ – دلو، اسراییل باش وزیری بنیامین نتنیاهو، حماس گروهی تامانیدن اسیرلر آزاد اېتیلمه‌گن تقدیرده، اوروش‌نی قیته باشلب، حماس گروهی یۉق اېتیلیشی‌گه قدر دوام اېتیش‌نی بیلدیرگن.
عینی حالده، امریکا قوشمه ایالتلری نینگ جمهور باشلیغی دونالد ترامپ هم، کېله‌سی شنبه، آقشم‌گه قدر حماس اسیرلرنی آزاد قیلمه‌گن تقدیرده اوروش باشله‌نیشیدن آگاه‌لنتیردی.
بیرلشکن ملتلر تشکیلاتی هم غزه آتیش-کېسین کیلیشووی عملگه آشیریلمه‌گن تقدیرده کتته خواطر اۉرته‌گه آلیب کېلیش‌نی معلوم قیلگن.
بو تشکیلات باش کاتبی سۉزلاوچیسی نینگ اۉرین باسری فرحان حق، اۉتگن کون اۉتکزگن خبری بیر ییغین‌ده بو مساله‌نی اورغوله‌گن.
بو شوندی بیرحالده دیر که حماس گروهی اسراییل‌نی، آتیش-کېسین کیلیشووی عملگه آشیریلیشی اوچون صادق قالمسلیکده عیب‌له‌یدی.
