واشنگتن‌پست یېتکیرمه‌سی یقین‌ده نشر قیلگن گزارشیده، افغانستان‌ده جمهوریت تیزیمی قوله‌شی آرتیدن، امریکا قوشمه ایالتلری نینگ بو مملکتده قالدیریلگن قوراللری پاکستان قورال بازارلریگه ییتیشیب بارگنیدن خبر بېردی.
شونینگدېک اوشبو گزارش، مذکور قوراللر پاکستان‌ده ترورچی گروه‌لر اختیاریده قرار تاپکنینی هم معلوم قیلگن.
مذکور گزارش‌ده مستند اېتیلیشیچه، پاکستان‌ده ریل یۉلاوچیلری اوستیده اۉیوشتیریلگن هجومده، میلادی ۲۰۱۸ – ییل امریکا تامانیدن افغانستان‌گه یوباریلگن «ام۴» قورالی‌دن فایده‌لنگن اېکن.
حاضرگه قدر طالبان بو گزارشی تۉغریسیده مناسبت بیلدیرگن اېمس.
ایتیش کېره‌ک که بوندن ایلگری، امریکا قوشمه ایالتلری نینگ جمهور باشلیغی دونالد ترامپ بیر نیچه مراتبه اوشبو قوراللر تقدیری حقیده خواطر بیلدیرگن اېدی. بیراق طالبان اېسه بو قوراللر قاچاق اېتیلمه‌گنینی اورغولب کېلماقده دیر.
