طالبان صناعت و سوداگرلیک وزیرلیگی نینگ اعلام قیلیشیچه، بو وزیرلیک سرپرستی نورالدین عزیزی، قزاقستان‌لیک بیر هیات بیلن اوچره‌شگن.
دېیرلی قزاقستان‌لیک بو هیات، مذکور مملکت جمهورلیک ریاستی نینگ استراتیژیک تدقیقات‌لر بۉییچه باشلیغی ایرکین والیتخانویچ توکوموف ییتکچیلیگیده کابل کېلیب، طالبان بیلن قزاقستان اقتصادی همکارلیکلری باره‌سیده بحث قیلگن.
طالبان صناعت و سوداگرلیک وزیرلیگی نینگ یازیشیچه “بو اوچره‌شووده، ایکی مملکت نینگ بیر بیراوی سوداگرلیک محصولاتلری و ترانزیت یۉللری‌گه بۉلگن ضرورتی تاکیدلنیب، سوداگرلیک علاقه‌لر و اقتصادی ریجهلر کوچه‌یشی همده افغانستان صادراتی آشیشی و قزاقستان حکومتی نینگ افغانستان ترانزیتی ریجه‌لریدن بۉلگن حمایه‌سی حقیده فکر المشتیریلدی.”
ایتیش کېره‌ک که قزاقستان حاضرگه قدر طالبان‌نی رسمیت‌گه تَن آلگن اېمس.بیراق شوندی بۉلسه هم بو حاکمیت بیلن علاقه‌لرینی سقلب کېلماقده دیر.
