بیرلشگن ملتلر تشکیلاتی‌نینگ تعلیم، فن و مدنیت تشکیلاتی یا ده «یونسکو» همده بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی یا ده «یونیسف»، افغانستان‌نینگ تعلیم تیزیمی حقیده‌گی قوشمه حساباتلرینی نشر قیلدی.
اوشبو حساباتده، حاضرده افغانستانده ۵۴ فایز باله‌لر رسمی تعلیمدن محروم اېکنی قید اېتیلگن.
حساباتده تاکیدلنیشیچه، افغانستانده ایریم باله لر اینیقسه قیزلرگه سوادخانلیک صنفلری یره‌تیلیشی و آنلاین درس اوتیش یۉللری بیلن اۉقیش شرایطلری یره‌تیلگنی بیلدیریلیب، بیراق بو یۉللر حضوری اۉقیش‌نینگ اۉرنینی توتالمسلیگی معلوم قیلینگن.
یونسکو و یونیسف‌نینگ حساباتیده کېلیشیچه، ۲۰۲۱نچی ییلدن بیری حاضرگچه افغانستانده ۲.۶ میلیون قیز اۉقیشدن محروم اېتیلگن.
اوشبو حساباتده، افغانستانده مکتب یاشیده بۉلگن باله‌لرنینگ جمعیتی هم سونگّی ییلللرده ۱۰.۴ میلیون کیشی‌دن ۱۱.۵ میلیون کیشی‌گه آشگنی تاکیدلنیب، بو مساله تعلیم تیزیمیگه باسیملرنی اۉرته‌گه آلیب کېلگنی معلوم قیلینگن.
شو بیلن بیرگه، اوشبو ایکی تشکیلات اۉز حساباتلریده، قیزلرنینگ اۉقیش حقی قیتریلیشی بیلن بیرگه، افغانستان تعلیم تیزیمی صفتی آشیشیگه هم اعتبار قره‌تیلیشی ضرورلیگی تاکیدلنگن.
