میدان ورک ولایتیده یوز بېرگن بیر حادثه عاقبتیده، طالبان نینگ تخار ولایتیده‌گی بیر نیچه محلی رسمی‌لری جان بېردی.
اۉزبېک تی‌وی اختیاریده قرار تاپکن معلومات اساسیده، اوشبو واقعه‌ده تخارده طالبان استخبارات اداره‌سی نینگ تدقیقات بۉییچه مسوولی مولوی فاتح، بو اداره نینگ مسووللریدن ینه بیری مولوی روحانی، تخارده طالبان خوفسیزلیک قومندان‌لیگی نینگ سۉزلاوچیسی قاری ذبیح الله حکیمی و مولوی حازم ناملی طالبان ینه بیر اعضاسی جان بېرگن.
ایتیلیشیچه تخار ولایتیده طالبان بو رسمی‌لری، ایش گزارش بېریشی مقصدیده قندهارگه بارماقده اېکن که یۉلده حادثه‌سی قیلیب جان بېره‌دیلر.
