تورکیه نینگ «تی‌رتی» یېتکیرمه‌سی، بو مملکت تشقی ایشلر وزیری خاقان فیدان، حماس گروهی اعضالری بیلن اۉتکزگن اوچره‌شوویدن خبر بېردی.
اوشبو اوچره‌شووده، حماس گروهی رهبرلیک کېنگشی باشلیغی محمد درویش و باشقه بیر قنچه اعضالری اشتراک قیلگن.
ییغین‌ده غزه‌ده دوام اېتیب تورگن وضعیت تنقید اېتیلیب، غزه اهالیسی‌گه انسان‌پرورلیک یاردملری ییتکزیلیشی اوچون زمینه یره‌تیلیشی تاکید اېتیلدی.
عینی حالده، تورکیه تشقی ایشلر وزیری حماس گروهی اعضالری بیلن، غزه‌ده آتیش-کېسین تامین‌لنیشی یۉللرینی هم محاکمه قیلگن.
بو اوچره‌شوو شوندی بیرحالده دیر که اخیرگی وقتلر ایچیده، غزه‌ده اسراییل هجوملری جدی‌لشگن و هر کونی اۉنلرچه کیشی قربان بۉله‌دی.
