افغانستان فدرالچی‌لر توپلنمه‌سی بیر ییغین اۉتکزیب مملکت کېله‌جگی اوچون فدرالی تیزیم اساسی قانون نینگ لایحه‌سینی نشر قیلدی.
مذکور توپلنمه نینگ اعلام قیلیشیچه، اوشبو اساسی قانون یکونلنی حجت اېمس و بو تۉغریده خلق فکرلری آلینگندن کیین قرار قیلینه‌دی.
اۉزبېک تی‌وی اختیاریده قرار تاپکن معلومات‌گه کۉره، مذکور قانون ۱۲ بولیم و ۲۰۷ ماده‌دن عبارت دیر.
فدرالچی‌لر توپلنمه‌سی تیارله‌گن قانون؛ دولت اساسی بورچ‌لری، اهالی حقلری، ایرکین‌لیگی و بورچ‌لری، فدرال مقننه قوه‌سی، فدرال اجراییه قوه‌سی، فدرال قضاییه قوه‌سی، اساسی قانون باش محکمه‌سی، اساسی قانون‌نی اوزگرتیریش، ایالتی دولت، محلی اداره، شاشیلینچ وضعیت، متفرقه بویروغ‌لر و انتقالی حُکم‌لردن عبارت دیر.
افغانستان سابق سیاسی سیمالری و فعاللردن تشکیل اېتیلگن، افغانستان فدرالچی‌لر توپلنمه‌سی اعضالری، مملکتده‌گی تورلی خیل ملیت‌لر و مدنیت‌لر همده فکرلرنی نظرگه آلگن حالده، مملکت قیینچیلیکلردن چیقیشی اوچون فدرالی تیزیم اساسی ییچیم – یۉل دیر.
اولر همده افغانستان‌ده، اوزاق ییللردن بیری دوام اېتیب تورگن، معمالرگه ییچیم-یۉل تاپیلیشی و دواملی عدالت تامین‌لنیشی یالغیز فدرالی تیزیم آرقه‌لی ممکن.
