امریکا قوشمه ایالتلری نینگ جمهور باشلیغی اۉزی نینگ «تروت سوشیال» اجتماعی صحیفه‌سیده یازگن بیاناتیده، روسیه و اوکراین مملکتلری آره‌سیده تینچ‌لیک کېلیشووی امضالنیشی یقین‌لشگنیدن خبر بېردی.
ترامپ نینگ اعلام قیلیشیچه، بو ایکی مملکت آره‌سیده کېله‌سی بیر هفته ایچیده تینچ‌لیک امضالنیشی ممکن دیر.
امریکا قوشمه ایالتلری نینگ جمهور باشلیغی، مذکور کېلیشوو حقیده آرتیقچه تفصیلات بېرگن اېمس. بیراق تاکیدلشیچه بو کېلیشوودن کیین روسیه و اوکراین مملکتلری، امریکا بیلن سوداگرلیک علاقه‌لرینی کوچه‌یتیره‌دی.
ایتیش کېره‌ک که ترامپ حکومت‌گه قیتگنیدن بیری، اوکراین اوروشی یکونلنیشی مقصدیده اینتیلیش‌لر باشلنگن. بیراق حاضرگه قدر بو سعی‌وحرکتلر عملی نتیجه بېرگن اېمس.
