فاریاب ولایتیده‌گی محلی منبع‌لرنینگ تصدیق‌لشیچه، بو ولایتده طالبان محلی حکومتی بوندن کیین یېتکیرمه‌لر، جانلی ذات‌لردن صورت ترقه‌تیش‌گه رخصت‌لری یۉق دېب اعلام قیلگن.
فاریاب‌ده طالبان محلی رسمی‌لری، بو قرارنی اۉتگن کون سه‌شنبه ۹ – ثور اۉتکزیلگن ییغین‌ده آلگن.
اۉزبېک تی‌وی منبع‌لری نینگ ایتیشیچه، فاریاب‌ده طالبان محلی رسمی‌لری بوندن ایلگری هم بو تۉغریده بیر نیچه مراتبه، ییغین اۉتکزگن اېدی. بیراق بو قرار برابریده بۉلگن بیر قنچه قرشی‌لیکلر باعث ییغین نتیجه‌سیز یکونلنگن اېدی.
دیمک طالبان بو قرارنی، مذکور حاکمیت امر بالمعروف و نهی عن المنکر قانونی ۱۷ –ماده‌سی، عملگه آشیریلیشی مقصدیده آلگن.
مذکور قانون اساسیده، طالبان زنده‌جانلرنی صورت و ویدیوگه آلیش‌نی ناجایز بیله‌دی و شو اوچون بو ایش آلدی آلینیشی کېره‌ک دېب توشینه‌دی.
طالبان بوندن ایلگری هم، جوزجان، تخار، بدخشان، پروان، ننگرهار و کندهار شامل، کمیده ۱۶ ولایتده خودی شوندی قرارنی اعلام قیلگن اېدی.
