کشمیرده کمیده ۲۶ سیاح اوققه توتیلیب اۉلدیریلگنی آرتیدن، هندوستان و پاکستان آره‌سیده اوروش یوز بېریشی ممکن‌لیگی حقیده خواطرلر جدی‌لشگن.
اوشبو خواطرلر دوامی‌ده، هندوستان باش وزیری نرندرا مودی ترورچیلیککه قرشی کوره‌شیش اوچون جدی بۉلگنینی تاکید قیلگن.
خلق‌ارا یېتکیرمه‌لرنی گزارش بیریشیچه، هندوستان باش وزیری بو تۉغریده اوروش کابینه‌سی بیلن مهم بیر ییغین اۉتکزگن.
هندوستان باش وزیری اوشبو ییغین‌ده بۉلگن نطقلریده، بو مملکت حربی کوچلری‌گه تۉلیق ایشانچی بار و شو اوچون ترورچیلیککه قرشی جدی قرار آلیشینی بیلدیرگن.
عینی حالده، پاکستان اخبارات وزیری عطاءالله ترار اۉزی نینگ ایکس صحیفه‌سیده، هندوستان یقین آره‌ده پاکستان‌گه قرشی هجوم اۉیوشتیریشیدن آگاه‌لنتیرگن.
ترار نینگ تاکیدلشیچه، اوشبو هجوم کېله‌سی ۲۴ الی ۳۶ ساعت‌گه قدر اۉیوشتیریلیشی ممکن.
ایتیش کېره‌ک که اخیرگی کونلر ایچیده، هندوستان و پاکستان چیگره کوچلری آره‌سیده بیراز تۉقنه‌شوو صادر بۉلگنی هم خبر قیلینگن اېدی.
