تورکیه تشقی ایشلر وزیری هاکان فیدان، بوگون اروپا اتفاقی تشقی علاقهلر کېنگشی دایرهسیده بروکسلده بۉلیب اۉتهدیگن «منطقهلرارا خوفسیزلیک و علاقهلر» تۉغریسیدهگی اېکینچی وزیرلر ییغینیگه قتنهشیشی ممکن.
تورکیه یېتکرمهلری، بو مملکت تشقی ایشلر وزیرلیگیدهگی منبعلریدن قۉلگه کېلگن معلوماتلرگه اساسلنیب، خبر بېریشیچه، فیدان مذکور ییغین جریانیده «منطقهلرارا علاقهلر» و «قاره دېنگیز منطقهسیگه قرهتیلگن خوفسیزلیک تعهدلرینی اېلگری سۉریش» بۉییچه ییغینلرگه قتنشهدی.
شونینگدېک مذکور ییغین دایرهسیده تورکیه تشقی ایشلر وزیرینینگ ترقیات و رواجلنیش بۉییچه اروپا اتفاقی کمیساری، آلمان تشقی ایشلر وزیری، رومانی تشقی ایشلر وزیری، مالتا تشقی ایشلر همده اروپا ایشلری وزیری و مولداوی تشقی ایشلر و باشوزیری اۉرینباسری بیلن ایکّی تامانلمه اوچرهشوولر اۉتکزیشی کۉتیلماقده.



