تخار ولایتیدن محلی منبع‌لرنینگ اۉزبېک تی‌وی گه تصدیق‌لشیچه، بو ولایتده اوچ ژورنالیست طالبان تامانیدن حبسگه آلینگن.
اۉزبېک تی‌وی اختیاریده قوییلگن معلومات‌لرگه کۉره، تخارده ژورنالیست‌لر بیرلشمه‌سی نینگ مسوولی سید منیر هدف همده اونگه قوشیمچه، اسدالله تیمور و نصرت الله ابراهیمی ناملی ژورنالیست‌لر، طالبان محلی کوچلری تامانیدن حبسگه آلینگن.
منبع‌لرنینگ کۉپه‌یتیریشیچه، مذکور ژورنالیست‌لر اۉتگن کون سه‌شنبه ۱۶ – ثور حبسگه آلینگن و حاضرگه قدر اولرنینگ تقدیری بیللی اېمس.
عینی حالده، طالبان بو ژورنالیست‌لرنی، انیق نیمه عیبلا بیلن قۉلگه آلگنی هم نامعلوم دیر.
ایتیش کېره‌ک که طالبان اوچ-یریم ییل ایچیده، یېتکیرمه‌لر و ژورنالیست‌لر فعالیتی اوستیده باسیم کېلتیریش مقصدیده، کۉپلب ژورنالیست‌لر حبسگه آلگن.
