طالبان تشقی ایشلر وزیرلیگی نینگ اعلام قیلیشیچه، بو وزیرلیک سرپرستی امیرخان متقی، تورکمنستان تشقی ایشلر وزیری رشیدمرادوف بیلن تلیفونی ملاقات قیلگن.
بو وزیرلیک تامانیدن نشر اېتیلگن بیاناتنی بیلدیریشیچه، مذکور ملاقاتده ایکی تامانلمه مناسبت‌لر و مشترک اقتصادی لایحه‌لر جمله‌دن «تاپی» لایحه‌سی، افغانستان حدودیده عملگه آشیریلیشی تۉغریسیده فکر المشتیریلگن.
عینی وقتده طالبان نینگ ادعا قیلیشیچه، تورکمنستان تشقی ایشلر وزیری افغانستان‌لیک سوداگرلرگه ویزا ترقه‌تیش بۉییچه قولهیلیکلر یره‌تیلیشی و باشقه مشترک اقتصادی لایحه‌لر عملگه آشیریلیشی اوچون همکارلیک قیلیش‌گه وعده بېرگن.
طالبان و تورکمنستان شوندی بیرحالده، تاپی لایحه‌سی حقیده فکر المشتیرماقده دیر که بو لایحه نینگ باشقه ایکی شریکی بۉلمیش هندوستان و پاکستان آره‌سیده تۉقنه‌شوولر باشلنگن و بو اېسه مذکور لایحه کېله‌جک‌نی خوف آستیده قوییشی ممکن.
