جنوبی کوریا، چین و جاپان دولتلری نینگ تشقی ایشلر وزیرلری بوسان شهریده اوچره‌شیشلری مۉل‌جللنگن. اولر آسیایی قۉشنلر اۉرته‌سیده همکارلیکنی باشدن آلیش و اوچ تامانلمه ییغین اۉتکزیش اوچون اولگورماقده‌لر.
رویترزنینگ گزارش قیلیشیچه، بو اوچ مملکت نینگ تشقی ایشلر وزیرلری ۲۶- نوامبر یک‌شنبه کونی جنوبی کوریاده اوچره‌شیشلری کوتیله‌دی.
جنوبی کوریا بو ییغین نینگ میزبانی صفتیده، اۉزی نینگ چین بیلن علاقه‌سینی قیته تیکلشگه اولگورماقده.
چین تشقی ایشلر وزیرلیگی سۉزلاوچیسی مائونینگ خبری بیر ییغینده: «اوچ تامانلمه همکارلیک اوچ دولت نینگ مشترک منفعتی خدمتیده دیر. چین سازوکار اوچون ارزش قایل دیر وعلاقه‌لرنی کینگه‌یتیریش مقصدیده جنوبی کوریا جاچان بیلن همکارلیکلرنی قیته تیکلیشنی اینتیقلیک بیلن کوته‌دی.» دیدی.
چین و امریکا قۉشمه ایالتلر بوزیلگن مناسبتلرنی، جمله‌دن، ایکّی دولت جمهور رییسلر اۉرته‌سیده‌گی اوچره‌شوو تیکله‌یاتگن بۉلسه-ده، بیجینگ وا‌شنگتن و اونینگ منطقه‌ده‌گی اساسي اتفاقچیلری اوچ تامانله‌مه همکارلیکنی کوچه‌یتیره‌یاتگنیدن خواطرده.
اوشبو گزارشگه اساسلنیب، جاپان و چین تشقی ایشلر وزیرلری یوکو کامیکاوا و وانگ یی یقین کېله‌جکده خوفسیزلیک بۉییچه مذاکره‌لر اۉتکزیشنی رېجه‌لشتیرماقده.
اوشبو حساباتگه کۉره، جاپان و چین رهبرلری نینگ مقصدی تورلی مسأله‌لر بۉییچه یقین علاقه‌لرنی اۉرنه‌تیش، تشویشلرنی برطرف اېتیش و خوف توغدیرمه‌یدیگن مناسبتلرگه اورغو بېریش دیر. انیق سنه بېلگیلنمه‌گن اقتصادي مذاکره‌لر هم کون ترتیبیده.
بیجینگ ، توکیو و سئول ۲۰۰۸-ییلدن بویان دیپلوماتیک و اقتصادي المشینوولرنی رواجلنتیریش اوچون هر ییلی ییغینلر اۉتکزیشگه کېلیشیب آلگن اېدی، اما رېجه ایکّی تامانله‌مه کېلیشماوچیلیکلر و کووید-۱۹ پندېميه‌سی طفیلی یاپیلدی.
بو دولتلر رهبرلری نینگ سۉنگّی اوچ تامانله‌مه اوچره‌شووی ۲۰۱۹-ییلده بۉلیب اۉتگن.
