طالبان اېکینچیلیک، سوغاریش و چارواچیلیک وزیرلیگی افغانستان زراعتی محصولاتی اۉزبېکستان‌گه صادراتی کۉپه‌یتیریلیشینی سۉره‌گن.
طالبان اېکینچیلیک وزیرلیگی ۵- قوس یک‌شنبه کونی بیر اعلامیه نشر قیلیب ایتیشیچه، وزیرلیک نینگ هیاتی اۉزبېکستان تجارت و صنایع اتاقی مسووللری بیلن تاشکېنت‌ده اوچره‌گنلر.
اعلامیه‌ده، طالبان اېکینچیلیک وزیرلیگی معینی صدراعظم عثمانی بو اوچره‌شووده افغانستان اېکینچیلیک محصولاتی صادرات میزانی اۉزبیکستان‌گه کوپه‌یتیریلیش باره‌سیده تاکیدله‌گنی قید اېتیلگن.
اعلامیه اۉزبیکستان تجارت و صنایع اتاقی اۉرین باسریگه اساسلب یازیشیچه: «بیزلر |طالبان|بیلن یخشی مناسبتیمیز بار و مناسبتلرنی کۉپراق یخشیلشتیریشگه اولگوره‌میز و بیزلر افغانستانده ینگی بیر سیستم اوستید‌ه ایشله‌یمیز بونینگ عملگه آشیریلیشی بیلن افغانستانده کۉپراق قولیلیک یره‌تیله‌دی بونی یقین کېله‌جک‌ده اعلان قیله‌میز.»
ایتیش کېره‌ک که طالبان اېکینچیلیک، سوغاریش و چارواچیلیک وزیرلیگی معینی مولوی صدراعظم عثمانی باشلچیگیده وزیرلیک هیاتی ۳۰- عقرب سه‌شنبه کونی اۉزبېکستان سفر قیلدی.
طالبلر بو سفردن اساسی مقصد مذکور گروه و اۉزبېکستان اۉرته‌سیده «همکارلیکنی کوچه‌یتیریش» دېب ایتگنلر.
