فاریاب ولایتی مرکزی میمنه شهریده، اۉزبېک تیلی و ادبیاتی مقامینی نشانلش مقصدیده «شعر کېچهسی» اۉتکزیلگنی حقیده خبر بېریلدی.
میمنه شهریدهگی «داکتر محمد معروف ثمر خصوصی مکتبی»ده بۉلیب اۉتگن، اوشبو ادبی ییغیلیشده، فعاللر، ضیالیلر، شاعرلر، یازووچیلر و ژورنالیستلر اشتراک اېتگن.
احتفالده، اۉزبېک تیلیده یاقیملی و تویغولی شعرلر اۉقیلیب، اشتراکچیلر اۉزبېک تیلی و ادبیاتی حقیده گپیرگن.
شونینگدېک احتفالده نطق سۉزلهگن فعاللر، اۉزبېک تیلی و ادبیاتینینگ اهمیتی، بوگونگی احوالی همده تیلنی کېلهسی نسللرگه یېتکزیش حرکتلری حقیده صحبت قیلگنلر.
شو بیلن بیرگه، بو شعر کېچهسی اشتراکچیلری اۉز سۉزلریده تیلیمیزده قلم تارتیب تورگن یاش ایجادکارلر قۉللب-قۉتلنیشی ضرورلیگینی علیحده تاکیدلب اۉتگنلر.
