طالبانگه قرشی قوراللی گروهلردن بۉلمیش «افغانستان ملی مستقللیک جبههسی» اۉزبېک تیوی بیلن بیر ویدیو و بیانات شریک قیلیب، قندوز ولایتی خانآباد اولسواللیگیده طالبانگه قرشی هجوم اویوشتیرگنیدن خبر بېردی.
بیاناتده ادعا اېتیلیشیچه، اوشبو هجومده «افغان – چاینیز» آلتین ایشلب چیقرووچی شرکتی جهازلرینی تخار تامان آلیب کېتهیاتگن کاروان نشانگه توتیلگن.
مذکور جبهه شونینگدېک، بو هجومده اوشبو کمپنیه قوریقچیلری بۉلگن طالباننینگ تۉرت جنگریسی اۉلدیریلگنینی هم ادعا قیلگن.
بو شوندی بیرحالده دیر که اخیرگی وقتلرده، طالبانگه قرشی قوراللی جبههلرنینگ فعالیتی کېنگهیگن.
بیرلشگن ملتلر تشکیلاتی یقینده ترقهتگن حساباتیده، اوشبو جبههلر سونگّی آیلرده ۸۸ ته هجوم اویوشتیرگنی کېلتیریلگن که بو جملهدن ۵۵ ته هجومنی بیرلشگن ملتلر تشکیلاتی تصدیقلهگن.
