خبردار اوز بیلگیلریگه کۉره، سنگاپور حکومتی اهالینی اجتماعی ترماقلرده اوزاق وقت اۉتکزیدن قیتریش و کتاب اۉقیشگه رغبتلنتیریش مقصدیده ینگی رېجه ایشگه توشیردی. بو رېجهده، هر کونی کمیده 15 دقیقه کتاب اۉقیگن کیشیلر دیجیتال تنگهلر بیلن مکافاتلنهدی.
رېجه سپتامبر آییدن باشلب بجریلماقده. قتنشووچیلر مخصوص سایت آرقهلی اۉقیشگه صرفلنگن وقتنی قید اېتهدی. 15 دقیقه یاکه اوندن کۉپ کتاب اۉقیگن کیشی گه اېسه 20ته دیجیتل تنگه بېریلهدی.
1000ته دیجیتال تنگه ییغگن قتنشووچی 1 سینگاپور دالریگه اېگه بۉلهدی. یعنی بو چمهسی 80 دالرگه سنتگه تېنگ. هر کېچه-کوندوزده فقط بیر جلسه کتاب اۉقیش حسابلنهدی. شو سببلی هر کونی 15 دقیقهدن کتاب اۉقیگن کیشی 50 کونده 1 سنگاپور دالر ایشلب آلیشی ممکن.
سنگاپور ملی کتابخانه کېنگشی یېتکچیسی میلیسا تام نینگ تاکیدلشیچه، منتظم کتاب اۉقیش عادتینی شکللنتیریش اوچون کتته مقصدلردن کۉره، کیچیک و بجریش آسان بۉلگن آدیملر ثمرهلی بۉلیشی ممکن.
رېجه ،شونینگدېک، اهالی نینگ اجتماعی ترماقلردن فایدهلنیش عادتلریگه هم اعتبار قرهتهدی. سنگاپور حکومت اینیقسه، یاشلر ارهسیده اجتماعی ترماقلردن فایدهلنیشنی چېکلش بۉییچه تورلی چارهلردن کۉریب چیقماقدهو تکلیفلر آرهسیده کونلیک فایدهلنیش وقتیگه لیمت اۉرنهتیش هم بار.
متخصصلر یاشلر آرهسیده اجتماعی ترماقلرگه قرهملیک و “دوم اسکرولینگ”- سلبی یاکه خواطرلی ینگیلیکلرنی اوزولوکسیز کوزهتیب باریش حالتی کېنگ ترقهلهیاتگنینی قید اېتگن.
شو بیلن بیرگه، سنگاپور یاشلری نینگ اۉقیش سوادخانلیگی کۉرستکیچلری یوقاری. 2025-ییلگی “پیآیاسا” خلقارا بهالشیده اولکه نینگ 15 یاشلی اۉقووچیلری اۉقیش سوادخانلیگی بۉییچه یوقاری نتجیه قید اېتگن.
شوندهی قیلیب، سنگاپورده ینگنی دستور کتاب اۉقیشنی نهفقط فایدهلی عادت، بلکه کیچیک مالیهوی رغبت بیلن هم قۉللب-قوتلشگه قرهتیلگن.
