افغانستان تورلی حدودلری و دنیا بویلب کۉپلب مملکتلرده، اۉزبېک تیلی ملی کونیدن نشانلش ییغینلری دوامیده، تورکیه پایتختی انقره شهریده هم طنطنه‌لی بیر ییغین اۉتکزیلدی.
اۉز تورکستان تدقیقات و استراتژیک اویوشمه‌سی بیلن تورپاو اویوشمه‌سی ایش بیرلیگی‌ده انقره‌ده اۉتکزیلگن اوشبو احتفالده، بیلیم یورت اۉقیتووچیلری، تانیقلی تیل‌شناسلر، ادبیاتچیلر و تیل شیدالری بیلن بیرلیکده کوپلب سیاسی و مدنی فعاللر قتنشگن.
اۉز تورکستان تدقیقات و استراتژیک اویوشمه‌سی باشلیغی استاد عبدالرحیم معصومی‌نینگ اۉزبېک تی‌وی‌گه ایتیشیچه، بو ییل انقره‌ده بۉلیب اوتگن اۉزبېک تیلی بیره‌می پروگرامی‌ده تورک دنیاسی‌دن کۉپلب صنعتچی، ادبیاتچی، مدنی فعال و سیاستچی کیشی‌لر مراق بیلن قتنشگن.
ایتیلیشیچه، انقره‌ده بۉلیب اۉتگن اوشبو احتفالده اۉزبېکستان، آذربایجان و تورکیه‌دن تشقری شرقی تورکستان، جنوبی آذربایجان، بالکان اولکه‌لری، عراق و سوریه تورکلری تمثیلچیلری هم قتنشگنلر. تورک دنیاسی‌دن موزیک، تیاتر و اۉیین گروهلری قتنه‌شیب، تیل قدریتینی کوتاریش و تیلگه مهر بېریش اوچون قیزیقرلی صحنه‌لر آلگنلر.
شو بیلن، انقره شهری هم بو ییل اۉزبېک تیلی ملی کونیدن نشانلش مقصدیده بۉلگن شکوهلی و شانلی بیر ییغین مېزبانی اېدی.
