افغانستان ملی اسلامی جنبش حزبی رهبری مارشال عبدالرشید دوستم، استانبول گه قیلگن سفریده بو ولایتده فعالیت قیله‌یاتگن انجمنلر، مدنی فعاللر، شاعرلر و یازووچیلر بیلن اوچره‌شدی.
بو اوچره‌شووده مارشال عبدالرشید دوستم، اۉزبېک تیلی ملی کونی‌نی ینه بیر بار تبریکله‌ب، اۉزبېک و تورکمن تیللری سقله‌نیشی و رواجلنیشی‌گه اورغو بېرگن.
شونینگدېک مارشال دوستم، افغانستان اساسي قانونیده تورکي تیل‌لرگه رسمي مقام بېریلیشی یۉلیده آلیب باریلگن سعی وحرکتلر حقیده سۉزلب، تورکی تیللر، جمله‌دن اۉزبېک و تورکمن تیللری‌نینگ تاریخي، بای مدنیتی و ارزشلری اوزاق اۉتمیشگه اېگه اېکنینی تأکیدله‌گن.
جنبش حزبی رهبری، سۉزلری دوامیده افغانستانده دوام اېتیب کېله‌یاتگن آغیر و چېکلنگن وضعیتلرگه اشاره قیلیب، مملکتده‌گی وضعیت اۉزگریشی همده افغانستانده تینچلیک و برقرارلیک ینه‌ده قرارلنیشی‌گه امید بیلدیرگن. او شونینگدېک بو ساحه‌لرده افغانستان تورکلری‌نینگ اۉرنی و حضورینی اۉته مهم اېکنینی تیلگه آلگن.
مارشال دوستم، افغانستانده‌گی حاضرگی سیاسی و اجتماعی وضعیتنی یقیندن کوزه‌تیب، مملکتده اۉزگریش کېلتیریش اوچون برچه سعی و حرکتلر ایلگری کېته یاتگنیدن ایشانچ بېردی. او همده حاضرگی وضعیت برقرار قالمه‌ی، اساسی اۉزگریش کېلیشینی معلوم قیلگن.
