۲۹-میزان اۉزبیک تیلی ملی کونیدن مخصوص بیر احتفال آرقه‌لی سرپل ولایتیده نشانلندی.
اوشبو مناسبت بیلن یۉلگه قۉییلگن طنطنه‌لی احتفالده سرپل ولایتی محلی رسمیلری، دین عالملری، شاعرلر، یازووچیلر، قوم بویوکلری، مدنی فعاللر و یاشلر قتنشگن.
بو ییغینده قتنشگنلر، مملکت تاریخی و ادبی میراثلری اینیقسه اۉزبېک تیلی‌گه تېگیشلی ادبی و مدنی میراثلریگه دقت قیلینیشی و اوشبو بایلیکلر ارزشی، مخصوص اۉرنی و قدریتلریدن اېسلب، اۉزبېک تیلی ادبیاتی کوچلنیشی و باییشی اوستیده تاکیدله‌گنلر.
اوشبو احتفالده سرپل ولایتی حاکمی افغانستانده ملی تیللر اینیقسه اۉزبېک تیلی ارزشی و اونینگ افغانستانده مخصوص اۉرین‌گه ایگه بۉلگنیدن یخشی یادلب، باشقه تیللر قطاریده اۉزبېک تیلی و تاریخی گه خاص توجه قره‌تیلیشینی تاکیدله‌گن.
احتفالگه قتنه‌شگنلر شونینگدېک اۉزبېک تیلی‌گه عاید شعرلر و مقاله‌لرنی اۉقیب، همده اوشبو تیل‌نینگ ادبی و فرهنگی امکانیت‌لری، تاریخی و ادبی میراثلری، اۉزبېک مدنیتی‌گه تېگیشلی کییم‌لر و یېمک‌‌لر کۉرگزمەگه قۉییلگن.
