سویس‌نینگ زوریخ شهریده، افغانستان تورکلری‌نینگ مدنی اویوشمه‌سی «ساتما» تشبثی بیلن اۉزبېک تیلی ملی کونیدن نشانلش مقصدیده اۉتکزیلگن ییغین‌ده، آلتی عنوان کتاب، بیلیم شیدالریگه تنیشتیریلدی.
اوشبو کتابلر، شعرلر و مقاله‌لر تۉپلمی و دینی موضوعلردن عبارت بۉلیب، یازووچیلر، شاعرلر و فعاللر حضوریده تنیشتیریلدی.
بو ییغین‌ده تنیشتیریلگن کتابلر ایچیده، شفیقه یارقین‌نینگ«اۉی‌لر شاده‌سی» عنوانلی علمی-ادبی مقاله‌لری تۉپلمی، محمدحلیم یارقین‌نینگ «فولکلور خزینه‌سیدن» عنوانلی مقاله‌لر ییغمه‌سی و پروفیسور بسم‌الله توردیقل میمنگی جنابلری‌نینگ «کیسکین قلم» عنوانلی مقاله‌لر تۉپلمی تنیشتیریلدی.
شونینگدېک، بو تدبیرده تنیشتیریلگن شعریت عالمیگه عاید کتابلر هم شفیقه یارقین‌نینگ «جیم‌لیک شاوقینی» شعرلر تۉپلمی و محمدامین متین اندخویی‌نینگ «معنالر باغی» اۉزبېکچه شعرلری کلیاتیدن عبارت دیر.
بوندن تشقری، بو مراسمده پروفیسور عبدالحکیم شرعی جوزجانی‌نینگ «امام بخاری و زمان ماجرالری» عنوانلی کتابی هم تنیشتیریلدی.
شو بیلن بیلن، زوریخ شهریده اۉتکزیلگن اۉزبېک تیلی ملی کونیدن نشانلش ییغین، تیل و ادبیاتیمیز اوچون یوقاری بهالی ساوغه‌لرنی هم تقدیم اېتدی.
